رۆژی یه‌كشه‌ممه 13ی كانوونی دووه‌می 2025 وەفدێكی مەكتەبی سیاسی یەكگرتووی ئیسلامی كوردستان كە پێكهاتبوو لە د. هادی عەلی یاریدەدەری ئەمینداری گشتی و د.صلاح الدین بابەكر كارگێڕی مەكتەبی سیاسی و د.محمد هاودیانی ئەندامی مەكتەبی سیاسی و بەرپرسی مەكتەبی پەیوەندییەكان و غازی عەلی ئەندامی سەركردایەتی و بەرپرسی مەڵبەندی هەولێر ، سەردانی مەكتەبی سیاسی پارتی دیموكراتی كوردستانیان كرد و لەلایەن فازڵ میرانی بەرپرسی دەستەی كارگێڕی مەكتەبی سیاسی و ئەندامانی دەستەی كارگێری مەكتەبی سیاسی پارتی پێشوازییان لێكرا.
لە كۆبونەوەیەكدا كە زیاتر لە كاتژمێرێكی خایاند وەفدی یەكگرتوو باسی كۆنگرەی نۆیەمی یەكگرتوو و ئەو گۆڕانكاریانەی كرد كە لە پەیڕە و پرۆگرامی یەكگرتوودا كراون.
وەفدەكەی یەكگرتوو لە سەرادانەكەیاندا بۆ مەكتەبی سیاسی پارتی جەختیانكردەوە لە سەر پێویستی دابەشكردنی موچە لە كاتی خۆیدا، بەتایبەتی موچەی مانگی 12ی ساڵی رابردوو .
لە بەشێكی تری كۆبونەوەكەیاندا لەگەڵ مەكتەبی سیاسی پارتی، وەفدەكەی یەكگرتوو گۆڕانكاری و پێشهاتەكانی ناوچەكەیان تاوتوێ كرد بەتایبەتی گۆڕانكاریەكانی سوریا و پێشهاتەكانی پڕۆسەی ئاشتی لە توركیا و چۆنیەتی بەرگریكردن و دابینكردنی مافە ڕەواكانی گەلی كورد لە رۆژئاوای كوردستان.
هەروەها پەیوەندیەكانی نێوان هەردوولاش گفتوگۆی لەبارەوەكرا.
