ئەمینداری گشتی یەكگرتوو رایگەیاند، ساڵیادی 30 ساڵەی لە ڕێكخراوی یەكگرتووی خوشكانی ئیسلامی كوردستان پیرۆز بێت.

لە پەیامێكدا مامۆستا صلاح الدین محمد بهاءالدین رایگەیاند، 10/26 ڕۆژێکی پرشنگداری خەباتی ئافرەتانی کوردستانە، ساڵیادی 30 ساڵەی ڕێکخراوی یەکگرتووی خوشکانی ئیسلامیی کوردستانە،

ئاماژەی بەوەشكرد، لەم بۆنە مەزنەدا پیرۆزبایی پێشکەش بەخاتوو بەهار عبدالرحمن، سکرتێری خوشکان و و سکرتاریەت و سەرکردایەتی و لقە بەڕێزەکانی ئەم ڕێکخراوە تێکۆشەرە دەکەم

ئەوەشی خستەڕوو، هیوادارم بەردەوام بن لە داکۆکی لە مافە ڕەواکانی ژنانی کوردستان و ڕێگرتن لەهەر پیلانگێڕی و دەستێک کە دەیەوێ شیرازەی خێزانی کوردستانی تێک بدات و کلتووری نامۆ بە شوناس و ئایینی گەلەکەمان بڵاوبکاتەوە، هەردەم سەرکەوتووبن لە خەبات و خزمەتە بێدرێغی و جوانەکانیاندا.