بسم الله الرحمن الرحیم
پهیاما ههیڤا رهمهزانا پیروِز
قال تعالى ((شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ )) البقرة/ ۱۸٥
بههلكهفتا هاتنا ههیڤا رهمهزانا پیروِز .. ههیڤا ژیان دگهل قورئانێ .. ههیڤا عیبادهت ورۆژى ونڤێژ ومزگهفتان .. ههیڤا مهردینى ودلوڤانى وگوهورین وتهوبێ .. ب دلهكێ پڕ ژ ئیمان ومهحهبهت بۆ خودایێ دلوڤان وبۆ رێك ورێبازا پێغهمبهرێ خوشتڤى (سلاڤ لسهربن) پێشوازیهكا گهرم لڤێ ههیڤێ دكهین، وپیرۆزباهیان ل تهڤایا موسلمانێن جیهانێ وكوردستانێ دكهین.
ڕۆژیگرێن هێژا...
ههیڤا رهمهزانێ ویستگهیهكا گرنگه ودهلیڤهیهكا زێرینه وخزینا خێرانه بلا دهمژمێرێن مه ب ههروه نهچن، وبلا ئهم رۆژ وشهڤێن خۆ پڕ بكهین ب كریارێن چاك، وخو نێزیككرن ژ خودایێ مهزن بكرنا تاعهت وعیبادهتێن جورا وجور وبجێبهجێكرنا ئهركێن لسهر مروڤى.
خویشك وبرایێن ڕۆژیگر.....
خێزان بهرێ بنیاتا ههر كومهلگهههكێ بهێز وخوراگره لهوما پێتڤیه ئاڤاكرنا خێزانێ لسهر بنهما وبهایێت بلند وهك ڤیان وخوشهویستیێ ورێزگرتن وههلگرتنا بهرپرساتیێ بهرز راگرین، وههیڤا پیرۆز بكهینه دهلیڤه بۆ ئاڤاكرنا خێزانهكا بهختهوهر وسهركهفتى.
موكومكرنا پهیوهندیێن كومهلایهتى (صله الرحم) ئێك ژ بنهمایێن ئایینێ مهنه وئیسلاما پیرۆز دۆپاتیێ لێ دكهت.. وبلا ئهڤ ههیڤا پیرۆز بكهینه باشترین دهلیڤه بۆ سهرهدانێن كهس وكار ومالبات و دوست وههڤال وجیران وخوشتڤیان، وپهیوهندیێن ڤهقهتیاى بزڤرینهڤه ، دا ببنه بنهمایێن ههره موكم ژبۆ ئاڤاكرنا جڤاكهكێ ئێكگرتى وساخلهم وئێكرێز وبهێز ، وئاسایشا كومهلایهتى سهقامگیر وموكم بكهین.
هێژایان....
هاتنا ڤێ ههیڤێ دڤان كاودانێن سهخت وئالوزدا ودگهل قهیرانا دارایى دا دێ باشترین دهلیڤه بیت بۆ دهولهمهند وسهرمایهدارا بشێن بارسڤكیهكێ پهیدا بكهن ب مهردینیا خۆ وبهخشینا زهكاتا مالێ خۆ بۆ تهخ وچینێن دهستنیشانكرى د قورئانا پیرۆزدا بتایبهت تهخا ههژار وكێم دهرامهت وخێزانێن شههید وئێتیمان .
لدوماهیێ ئهم بڤێ ههلكهفتا پیرۆز ل ئهنجومهنێ كاروبارێن بانگهوازیا یهكگرتووی ئیسلامى كوردستان هیڤى دكهین ئهڤ ههیڤه ببیته دلیڤه بۆ دهستپێكهكا نوى بۆ چارهسهركرنا گشت ئالوزى وناكوكیێن نافخویى لكوردستانێ ولبهرچاڤ وهرگرتنا بهرژهوهندیێن گشتی یێن بهرز وبلند، وههمى ئالیێن كوردستانى ناكوكیێن دناڤبهرا خۆدا بهێلن ومللهتێ مه ژڤان نههامهتى وقهیرانا دهرباز بكهن ودووبهرهكیێ بنبربكهن، وب ئێك دهست وئێك دل ڤى مللهتى بهرهف كنارێن ئارام ببهن وهیڤى وئومێد وئارمانجێن گهلێ كورد بهرقهرار بكهن.
ئهنجومهنێ كاروبارێن بانگهواز
یهكگرتووى ئیسلامى كوردستان
30 شعبان 1438
26/5/ 2017