بسم الله الرحمن الرحیم
((سُبْحَانَ الَّذی أَسْرَیٰ بِعَبْدِهِ ڵیْلًا مِّنَ الْمَسْجِدِ الْحَرَامِ إِڵی الْمَسْجِدِ الْأَقْصَی الَّذي بَارَكْنَا حَوْڵهُ لِنُڕێهُ مِنْ أێاتِنَا ۚ إِنَّهُ هُۆ السَّمِیعُ الْبَصِیرُ))
ب هەلكەفتا بیرەوەریا موعجیزا (ئیسرا و میعراجێ)ل 27 ی رەجەبێ ئەم ل ئەنجومەنێ كاروبارێن بانگەوازی یا یەكگرتوویی ئیسلامی كوردستان ژ یەزدانێ مەزن دخوازین كو ئەڤ هەلكەفتە ببیتە مایەیێ ب دەست ڤە ئینانا هەمی هیڤی و ئومێد و ئێك رێزیا موسلمانان ب گشتی و گەلێ كورد ب تایبەتی ژبەركو ئەڤ هەلكەفتە دەست پێكەك بو بو قوناغەكا نوی یا وەرچەرخ د ژیانا پێغەمبەری (س.خ) كو دەست پێكر ب كوچكرنێ و پاشان دروست كرنا دەولەتەكا مەدەنی ل ژێر بنەمایەكێ چاكسازی و یەكسانی بو جڤاكەكێ ساخ و ساخلەم و نەهێلانا زولم و ستەمێ لسەر مروڤایەتیێ.
وەك یا ئاشكرا كو د نوكەدا ملەتێ مە بەرەڤ قوناغەكا وەرچەرخانە ڤە دچیت لەورا یا پێتڤی كو ئەڤ هەلكەفتە ببیتە جهێ لسەر راوەستیانێ و مفا ژێ وەرگرتنێ ژ بو ئاڤاكرنا تاكە كەسەكێ ئیماندار و هوشیار د گیانەكێ پێگڤەگرێدای د جڤاكەكێ مەدەنی دا.
وەك یا دیار كو وانەكا هەرە مەزن د ڤێ هەلكەفتا پیروز دا نیشان د دەت كو چو جاران مروڤێ پەیامدار و ئەو كەسێن كارێ خێرێ و چاكسازیان دكەن بێهیڤی نەبیت بو ب دەست ڤە ئینانا ئارمانجێن بەرز و بلند.
ئەنجومەنێ كار و بارێن بانگەوازی
یا یەكگرتوویی ئیسلامی كوردستان
26ی رەجەبێ 1438 كوچی
23/4/2017 زاینی