ئەمرۆ پێنج شەممە وەفدی راوێژكارانی ئەمینداری گشتی بۆ كاروباری خوشكان كە پێكهاتبوو لە (شەمسە ئەحمەد) و (هاوراز شێخ ئەحمەد) سەردانی بیرمەندی ئیسلامی پرۆفیسۆر (د. موحسین عەبدولحمید) یان كرد.
لە میانەی سەردان و دیدارەكەدا گفتوگۆو راوێژو دیالۆگ لەمەڕ پرسی ئافرەت لە دیدی ئیسلام و ئافرەت و كاری سیاسی و چەند پرسێكی گرنگی پێویستی رۆژگار لە پرسی ئافرەت كرا.
هەر لەدرێژەی گفتوگۆكەدا (د. موحسین عەبدولحەمید) هیوادار بوو راوێژكارانی ئەمینداری گشتی لەبواری خوشكان كار لەسەر عەرزكردن و بەیانكردنی بابەتە گرنگ و هەستیارە فیقهی و فیكرییەكانی پەیوەست بە ئافرەت بكەن و هەوڵی جدی بدەن لەسەر گەیاندنی حەقیقەتە گەوهەرییەكانی دیدو مەكانەتی ئافرەت لە ئیسلام لەرێگەی كارە رێكخراوەییەكانی یەكگرتووی خوشكانی ئیسلامی كوردستان.
لەكۆتاییدا (د. موحسین) گرنگیدانی ئەمینداری گشتی و یەكگرتووی ئیسلامی بە پایەی ئافرەت و پرسی ئافرەت لەنێو كۆمەڵگە بەگشتی و یەكگرتووی ئیسلامی بەتایبەت بەرزنرخاندو بەئەهەمیتەوە باس كرا.