ل رێكهفتى (28-2-2017) ب سهرهدانهكێ بهرێز (م. سهعید عهلى عهبۆ) سهرۆكێ ئهنجومهنێ سهركردایهتیا یهكگرتوو سهرهدانا قهزایا كۆیه كرو ب گهرمى ژ ئالیێ بهرێزان (م. كاوه مامهند فهرهج) بهرپرسێ رێكخستنا یهكهیا كۆیه یا یهكگرتوو و هژمارهیهك ژ كارگێرێن وێ یهكهیێ و بهرپرس و كارگێرێن چهند دهزگههێن وێ ڤه هاتهپێشوازیكرن .
د سهرهدانا خۆدا سهرۆكێ سهركردایهتیا یهكگرتوو كۆمبوونهكا بهرفهرههـ دگهل كابینهیا یهكهیا كۆیه ئهنجام دا و ل دهستپێكێ ب ههلكهفتا چوونا دناڤا ئاڤاهیێ خۆیێ نوى دا پیرۆزباهیێن گهرم ل وان كرن و پهسنا رۆلێ وان یێ بهرچاڤ كر كو كانێ چهند ئهڤێ قهزایێ پێدڤیهكا مهزن ب وان ههیه ههر دناڤا وێ كومبوونێ دا سهرۆكێ سهركردایهتیێ بهحسا رهوشا نافخویا حزبێ و پێگههێ وێ كرو كانێ نها جڤاكێ كوردستانێ و گورهپانا سیاسى چهند پێدڤى ب یهكگرتوویێ ههیه ئهڤ چهندا ههنێ ژى ژ بۆ ماندیبوون و گهرم و گورى و جدى یا رێكخستنێن وان ڤهگهراند، ههروهها د درێژاهیا گوتنێن خۆدا بهحس ل ڤێ رهوشا سیاسى و ئهولههی و دارایى یا ههرێما كوردستانێ تێدا كهتى كر و گوتى: مخابن ههرێم یا دقهیرانێن مهزن دا دهربازبیتن لێ راگههاند: چهند زوویه دڤێتن حكومهت لهزهكێ د پاشكهوتێ موچهیێ خهلكێ دا بكهتن و زێدهتر خهلك خۆ ل بهر وێ چهندێ ناگریتن ئهو خۆراگری و بهێنفراهیا خهلكى زێدهى شیانێن وان بوویه .
د تهوهرهكێ دیتر ژى دا (م. سهعید عهلى عهبۆ) بهحسا سهربهخۆیا كوردستانێ كر و راگههاند: نها دهمێ وێ یهكێ هاتیه ئهم ههمى پێكڤه شیانێن خۆ بێخینه گهر ژ بۆ راگههاندنا سهر سهربهخۆیا ههرێما كوردستانێ و ڤێ یهكى ژى پێدڤى ب ئاشتهوایى یا نافخۆیى و یهك رێزى و چاكسازیێ ههیه . پاشان ژى بهحس ل ئاشتهوایا سیاسى كر و گوتى: جهێ نهرحهتیێ یه ئهڤرۆكه كوردستان ژ بهر نهلیكیێن سیاسى توشى چهند نهخوشیان بوویه دڤێتن و ئهو لایهنێن ناكۆكى دناڤبهرا وان داههى پێدڤیه ب زوترین دهم ڤان ناكۆكی و نهلێكیان بدهنه لایهكى ل ههمبهر ژى هزر د چاكسازیێ و پاشهرۆژا ههرێمێ دا بكهن .
ژ لایهكێ دژیتر ژى بهرێز سهرۆكێ سهركردایهتیێ گوه ل راپۆرت و چالاكیێن وان كر و دلخوشیا خۆ ل ههمبهرى وان ههمى چالاكییان نیشاندا . ژ لایێ خۆ ڤهژى ستافێ یهكهیا كۆیه یا یهكگرتوو كهیف خوشیا خۆ ب ڤێ سهرهدانێ نیشاندا و دڤێتن ئهف سهرهدانه د بهردهوامبن و ژ نێزیك هایدارى رهوشا وان و چالاكیێن وان بن.