دەزگای پەیوەندیەکانی یەكگرتووی ئیسلامیی كوردستان پێشوازی دەكات لە وەفدێكی بزوتنەوەی گۆران و لەكۆبونەوەیەكدا چەند پرسێك تاوتوێ كرا.
ئەمرۆ چوار شەممە رێکەوتی 10/2/2021 شاندێکی دەزگای پەیوەندیەکان کەپێک هاتبوو لەبەرێزان د. محمد قادر هاودیانی بەرپرسی پەیوەندیەکان ،م.عبدالعزیز هاشم ، م عادل عوبید کارگێرانی پەیوەندیەکان، پێشوازیان کرد لە وەفدێکی بزوتنەوەی گۆران کەپێک هاتبوو لەبەرێزان ( بختیار عمر رێکخەری ژوری پەیوەندیە سیاسیەکان و بەرێزان جلال حمە غریب و شوان ابراهیم و نجم الدین سعید ئەندامانی ژووری پەیوەندیە سیاسیەکان.
شاندەكە وێرای پیرۆزبایی کردن و موەفەق بونیان لەیەکگرتوو بەبۆنەی ۲۷ مین سالیادی راگەیاندنی یەکگرتوو ،تاوتوێی پەیوەندیەکانی نێوان هەردولا وکێشە نیشتمانی و سیاسیەکان و هەلبژاردنەکانی عیراق و یاسای هەلبژاردنەکانیان کرد .
یەکگرتوو دووپاتی کردەوە هەمیشە لەگەڵ هەلبژاردنی پاک و بێ گەردو دور لە دەستێوەردان و تەزویر کردنن لەگەل هەمەهەنگی و لێک تێگەیشتنن.