ب هەلكەفتا ژدایكبوونا سەروەرێ پێغەمبەران و پێشەوایێ مرۆڤایەتیێ ئەنجومەنێ كاروبارێن بانگەوازی یەكگرتوویی ئیسلامی ڕاگەیەندراوێك بڵاودەكاتەوە .
بسم الله الرحمن الرحیم
[وما أرسلناك إلا رحمە للعالمین]
السلام علیكم ورحمە الله وبركاته...
ب هەلكەفتا ژدایكبوونا سەروەرێ پێغەمبەران و پێشەوایێ مرۆڤایەتیێ بلندترین و بهاترین پیرۆزباهیێن خۆ ئاراستەی تەڤایا موسلمانێن جیهانێ و كوردستانێ و هەمی دلسۆز و وەفادارێن رێبازا پێغەمبەرێ مە سلاڤ لێ بن دكەین.
خویشك و برایێن بەرێز...
ئەڤە جارەكگا دی هەلكەفتا ژدایكبوونا پێغەمبەری سلاڤ لێ بن دناڤ مەدا ساخ دبیتەڤە و ب هەمی رامانێن عشق و ڤیانێ و خۆشتڤیێ و دلسۆزیێ، خەلكێ مە پێشوازیێ ل ڤێ بیرەوەریێ پیرۆز دكەت، و ب رەنگێن جوراوجور دەربرینێ ژ ڤێ پەیوەندییا هزری و دەروونی یا كوری و دویر دناڤبەرا مللەتێ كورد و هەلگرێ پەیاما پیرۆزا ئیسلامیدا دكەت.
هێژایان
د وی دەمێ پێغەمبەر سلاڤ لێ بن پەیدا دبیت، جیهان د مەترسیدارترین بەرزەبوون دا بوو. و شێرازێ جڤاكی و مرۆڤایەتی د خرابترین رەوش دابوو، و هەمی رەنگێن ستەم و زورداریێ و نەزانینێ و بوتپەرێسیێ تێدا د بەرقەراربوون، ماف خوارن و كوشتن و تالانكرن و برسیكرن و بندەستكرن شێوازێ ژیانا رۆژانەیا خەلكی بوو.
لێ پێغەمبەر سلاڤ لێ بن ب پشتەڤانیا چێكەرێ عەرد و عەسمانا و ب هێز و ئیرادەیەكا پۆلایی و ب پشتەڤانی و هاریكاریا هندەك كەسێن دلسۆز و خۆگوریكەر د ماوێ (23) سالان بتنێ دا شییا مەزنترین گهۆرینا ئەنجام بدەت و دەولەتەكا هەمی دادپەروەری و پێكڤەژیان و وەكهەڤی و برایەتیێ ئاڤا دكەت و دبیتە (كنتم خیر أمە أخرجت للناس).
خۆشەویستان...
ئەڤرۆ ئەم ڤێ بیرەوەریێ ساخ دكەینەڤە د كاودانەكیدا مللەتێ مە روی ب روی چەندین قەیرانان بوویە (قەیرانێن سیاسی و ئابووری و دارایی و ئێمناهیێ) هیڤیخوازین ل بەر رۆناهیا رەوشتێن بلندێن پێغەمبەری سلاڤ لێ بن و ئەو هەمی شیرەت و رێنمایێن داینە مە ل سەر گرنگییا ئێكرێزیێ و تەباییێ و برایەتیێ و بەرقەراربوونا لێبورینێ و پێكڤەژیانێ و بەرچاڤ وەرگرتنا بەرژەوەندیێن گشتی و پێگریكرن ب شەریعەت و یاسایایێن وی، ئەم بشێین ل سەر ڤان قەیرانان زال ببین و مللەتێ خۆ بەرەڤ پاشەرۆژەكا باشتر و گەشتر و سەرفەرزا ڤە ببەین.
ل دویماهیێ ئەم وەك مللەتێ كوردێ مولسمان سۆز و پەیمانا دگەل پێغەمبەرێ مورۆڤایەتیێ نوی دكەینەڤە و سالۆخەت و رەوشتێن وی یێن هەمی جوانی ساخ بكەینەڤە داكو مللەتێ خۆ بەرەڤ ئاشتی و سەرفەرازیێ ببەین و بتایبەتی دڤان بیاڤان دا:-
1- ل خۆزڤرین و دەستبەرداری هەمی كار و گوتنێن نەدروست ببین و بزاڤێ بكەین ژیانا مە ل بەر رۆناهیا قورئانا پیرۆز ببووریت و هەردەم خزمەتا گەل و وەلات و نیشتمانێ خۆ بكەین.
2- گرنگیدان ب زانین و زانست و داهێنانكاریێ و رێزگرتنا ل خودان شیان و بسپوران و مفاوەرگرتن ژ هەمی پێدڤیێن د خزمەتا پێشڤەبرنا ژیانێدا. و پاراستنا پیرۆزیا ماموستایان و بەرەڤانیكرن ژ مافێن وان. پێشڤەبرنا مللەتان یا گرێدایە ب پیرۆزیا زانایان ڤە و ژدەستدانا زانایان و كەسایەتیەكا مینا دكتور هوشیار ئیسماعیل ژدەستدانا سەر و مالێ مللەتانە.
3- هاریكاریا هەژاران و پەككەفتیان بتایبەتی دڤێ قەیرانا داراییا سەخت و دژوار دا و هەروەسا خێزانێن شەهیدان یێن كو خوینا خۆ قوربانی ئارامی و سەروەریا كوردستانێ كرین.
4- داكوكی ل سەر ئێكرێزی و برایەتی و پێكڤەژیانێ و روحا لێبورینێ و خۆ دویرخستن ژ زمانێ خیانەتكرن و شكاندن و بێرێزكرنا ئێكودوو و هەولدان بو چارەسەركرنا گرفت و كێشەیان ب رێكا دیالۆگ و تێگەهشتنێ.
ل دویماهیێ
هیڤیخوازین ژ خودایێ مەزن هاریكارێ مە هەمیان بیت ل سەر رێك و رێبازا پێغەمبەرێ خودێ بژین و هەمی رەوشتێن وی یێن جوان پەیرەو بكەین، چونكی خودایێ مەزن گوتیێ [وإنك لعلی خلق عڤیم]، ئەم ژی وەربگرین و مللەت و وەلاتێ خۆ ل سەر بنەمایێ دادپەروەریێ و برایەتیێ و ئازادیێ و پێكڤەژیانێ و خۆشگۆزەرانیێ ئاڤا بكەین.
و هەمی دیاردە و نەخۆشیێن كوژەك دناڤ مللەتێ خۆدا بن ئاخ بكەین.
دووبارە بیرەوەریا ژدایكبوونا پێغەمبەرێ پێشەوا ل مە هەمیان و خویشك و برایێن مە پیرۆز بیت.
ئەنجومەنێ كاروبارێن بانگەوازی
یەكگرتوویی ئیسلامی كوردستان
11 ریبع اڵاول 1438م
10/12/2016 ز