ئه‌ڤرو ل رێكه‌فتى (26/11/2016) به‌رێز (فه‌رهاد ئه‌تریشى) پارێزگارێ دهۆكێ ب هه‌ڤالینیا هژماره‌یه‌كا به‌رپرسێن حكومى یێن پارێزگه‌ها دهۆكێ ب مه‌ره‌ما سه‌ره‌خوشیێن خۆ ل یه‌كگرتووى ئیسلامى كوردستان و مالباتا شه‌هید (د. هوشیار ئیسماعیل) به‌رپرسێ بلندێ یه‌كگرتوویێ و زانایێ ناڤدارێ باژێرێ هه‌ولێرێ ، سه‌ره‌دانا یه‌كگرتووى ئیسلامى كوردستان ل باژێرێ دهۆكێ كرو ژ ئالیێ به‌رێزان (م. سه‌عید عه‌لى عه‌بۆ) سه‌رۆكێ سه‌ركردایه‌تیا یه‌كگرتوو و (م. غازى سه‌عید) سه‌رۆكێ ئه‌نجومه‌نێ بانگه‌وازیێ و (د. محه‌مه‌د مسته‌فا) و هژماره‌یه‌كا به‌رپرسێن حكومیێن یه‌كگرتوو و هژماره‌یه‌كا دنا ئه‌ندام و كارگێرێن یه‌كگرتوو ڤه هاتنه پێشوازیكرن ، د كڤانێ ڤێ سه‌ره‌دانێ دا به‌رێز (فه‌رهاد ئه‌تریشى) هه‌فخه‌میا خۆ ل سه‌ر تیرۆركرنا شه‌هید (د. هوشیار ئیسماعیل) گه‌هانده سه‌ركردایه‌تیا یه‌كگرتوویا ئیسلامى یا كوردستانێ و راگه‌هاند : ب مخابنى ڤه زانایێن مینا (دكتۆر هوشیار) ببنه ئارمانجێن تیرورێ و (دكتۆر هوشیارى) كه‌سه‌كێ میانره‌و بوو ئه‌وى باجا ئه‌ڤێ میانره‌ویێ دا و و دڤێتن گاڤێن بله‌ز بهێنه هاڤێتن ژ ئالیێن په‌یوه‌ندیدار ژ بۆ ئاشكه‌راكرنا بكوژێن وى و ئێدى خینا كه‌سێ ب نه‌حه‌قى نه‌هێته رشتن هه‌روه‌سا ئاماده‌ییا خۆ نیشاندا ژ هه‌ر ئالیه‌كى ڤه ژ بۆ ئاشكه‌راكرنا بكوژێن وى ، ژ ئالیه‌كێ دن ژى به‌رێز (م. سه‌عید عه‌لى عه‌بۆ) سه‌رۆكێ سه‌ركردایه‌تیێ سوپاسیا خۆ ژ بۆ ڤێ سه‌ره‌دانێ نیشاندا و گوتى دكتۆر هوشیارى هه‌رده‌م میانره‌وى یا خاستى و هێڤێنى و ئاشتى و پێگڤه‌ژیانێ بوو هه‌روه‌سا گوتى ژى مه باوه‌ریه‌كا موكوم یا هه‌ى كو دێ ده‌زگه‌هێن په‌یوه‌ندیدار بكوژێن وى ئاشكه‌را كه‌تن و دێ ده‌نه دادگه‌هێ تاكۆ خوینا وى ب هه‌ده‌ر نه‌چیتن.