هەواڵ و چالاکی ئەنجومەنەکان

ئەنجومەنی بانگەواز: تیرۆركردنی د. وشیار لە پایتەختێك بوو كە تێیدا شانازی بە ئارامی دەكرێت

ئەنجومەنی بانگەواز: تیرۆركردنی د. وشیار لە پایتەختێك بوو كە تێیدا شانازی بە ئارامی دەكرێت

 

ئەنجومەنی بانگەوازی یەكگرتووی ئیسلامی كوردستان تیرۆركردنی دكتۆر وشیار ئیسماعیل بەتوندی شەرمەزار دەكات بەتایبەت كە تیرۆركردنەكە لە پایتەختی هەرێم بوە كە شانازی بە ئارامی تێدا دەكرێت ، ڕاشیدەگەیەنێت: هەر كەسێك ئەو كارەی كردبێت ئامانجی تێكدان و ئاڵۆزكردنی ڕەوشەكەی دەوێت .

دەقی بەیاننامەی ئەنجومەنی بانگەوازی یەكگرتووی ئیسلامی كوردستان:

بسم الله الرحمن الرحیم
ولا تحسبن الژین قتلوا فی سبیل الله أمواتا بل أحیا‌و عند ربهم یرزقون

ب داخ و پەژارەكا مەزن ڤە خەبەرێ شەهید كرنا د.هوشیار ئیسماعیل كەسایەتی و زانا یێ دیار و بەرپرسێ زانایێن یەكگرتوو ل هەولێرێ ل بەردەرگەهێ مالا وی ئەم هەژاندین,ددەمەكی دا كو هەرێما مە د رەوشەكا ئاوارتەیا ئەمنی و سیاسی و ئابوری دا دەربازدبیت و ئەم ل بەردەم شەرێ تیرور و هزرێن توند رەوین,

ماموستایێ شەهید كری ئێك ژ وان زانایان بو كو بەردەوام ب هزر و زانینا خو یا بەرفرەه و میانرەو پەیاما ئاینێ پیروزێ ئیسلامی د گەهاند ,لەوما ژ دەست دانا كەسانێن مینا ماموستا هوشیاری خوسارەتیەكا مەزنە بو گەلێ مە و هەلگرێن پەیاما چاكسازی و میانرەویێ .

ئەم ل ئەنجومەنێ بانگەوازیا یەكگرتوویی ئیسلامی كوردستان سەرەخوشیان ل خو و مالباتا شەهیدی و هەمی كەس و كار و هەڤال و دوست و قوتابیێن ماموستا هوشیاری دكەین و ب توندی ڤێ كریارا هوڤانە روی رەش و شەرمزار دكەین ب تایبەت كو ئەڤ رویدانە ل پایتەختێ هەرێما كوردستانێ رویی دایە كو هەردەم ئەم شانازیێ ب ئارامیا هەرێما كوردستانێ دكەین لێ ئەنجام دانا كارێن ب ڤی رەنگی زەنگەكا مەترسیێ ل دلێ هەمی وەلاتیان دا لێ دەت ,

شەهید كرنا ماموستا هوشیاری ددەمەكی دایە كو لایەنێن سیاسی تارەدەیەكی پێنگاڤێن لێك نێزیك بونێ دهاڤێژن بو دەربازبون ژ قەیرانێن هەلاویستی یێن هەرێما مە, ژبەر ڤێ چەندێ ئەنجام دەرێن ڤێ كریارا هوڤانە هەر كی بن مەرەما وان تێكدان و ئالوزتركرنا رەوشێ یە.

ژبەر ڤێ چەندێ داخاز ژ دەزگەهێن ئەمنی و لایەنێن پەیوەندیدار دكەین كو ب زویترین دەم ب ئەركێ خو رابن و بەرپرسانە سەرەدەریێ دگەل ڤێ رویدانێ بكەن و ئەنجامدەرێن ڤێ كریارا هوڤانە بو رایا گشتی دیاربكەن و ب سزایێ وان یێ عادیلانە ب گەهینن.

انا لله و انا الیە راجعون
سەربەرزی بو شەهیدێن چاكسازی و میانرەویێ
نا راوەستیت كاروانێ راستی و ئاین پەروەریێ
روی رەشی و شەرمزاری بو دوژمێن مروڤایەتیێ

ئەنجومەنێ بانگەوازیا یەكگرتوویی ئیسلامی كوردستان
23\11\2016