ژێر دوریشمێ (نیبوونه‌وه و گه‌شه‌پێدان) مه‌لبه‌ندێ (7)ێ ڕانیه یێ یه‌كگرتووى ئیسلامى كوردستان مه‌راسیمه‌ك ژ بۆ لێگوهارتنا پۆستێن كابینه‌یا نوى یا مه‌لبه‌ندێ (7) یێ ڕانیه و لقێن سه‌ر ب وێ ڤه ئه‌نجام دا و تێدا رێزگرتن ل وان برا و خویشكێن به‌شدار د خولا ده‌ربازبووى دا گرتن، د كڤانێ به‌شداریا ڤێ مه‌راسیمێ دا به‌رێز (م. سه‌عید عه‌لى عه‌بۆ) سه‌رۆكێ ئه‌نجومه‌نێ سه‌ركردایه‌تیا یه‌كگرتوو ى ئیسلامى كوردستان په‌یڤه‌ك پێشكێشكر و تێدا راگه‌هاند: حزبان ترسه‌كا مه‌زن ژ كۆنگره‌یان هه‌یه لێ سوپاس بۆ خودێ یه‌كگرتوو ژ ئه‌نجامدانا كۆنگره‌یان ناترسیت و د ده‌مێ خۆدا ئه‌نجام دده‌ت و زۆر گۆتگۆك هه‌بووینه لێ یه‌كگرتوویێ ب رێیا كۆنگره‌ى شیا ڤان هه‌مى گۆتگۆتكان ب نه‌دروستى نیشاندان بده‌ت ، سه‌رۆكێ ئه‌نجومه‌نێ یه‌كگرتوویێ خۆیاكر: خه‌لك چاڤه‌رێیا تشتێن مه‌زن ژ یه‌كگرتوویێ دكه‌تن ، سوپاس بۆ خۆدێ كۆ فه‌زله‌كێ مه‌زن دگه‌ل مه‌دا كریه ئه‌م یه‌كگرتوو بووینه و یه‌كگرتوو په‌یاما پێغه‌مبه‌رى (س) ئه‌دا دكه‌ت ، هه‌روه‌ها زێده‌تر گوتى: ل ڤێرێ ئه‌م ژ به‌ر حه‌ژێكرنا خودێ كۆمبووینه و ئه‌ز لڤێرێ خۆ ب حۆشحال دبینم كو دگه‌ل هه‌وه دا ئاماده‌بوومه و پیرۆزباهى و ده‌ستخوشیان ل وان كه‌سان دكه‌م یێن كۆ ژ نووى بووینه ئه‌ندامێن كابینه‌یا خولا نووى و دوعا سه‌ركه‌فتنێ و سه‌رفه‌رازیێ ژ بۆ وان دخازم هه‌روه‌ها دوعا سه‌ركه‌فتنێ ژ بۆ وان مامۆستا و برا و خۆیشكێن مه ییًن به‌شدار د كابینه‌یا به‌رێ یا مه‌لبه‌ند و لقان دخازم كۆ نها بتنێ كارێ وان وه‌كو رێڤه‌برن و ئیدارى ب دوماهى هاتینه لێ بارێ وان هه‌ریێ گرانه و ب وان ڕا راگه‌هاند كو پۆست ل ده‌ف مه چ تشته‌ك نینه تنێ به‌رپرسیاره‌تیه ، هه‌روه‌ها به‌رێز سه‌رۆكێ ئه‌نجومه‌نێ سه‌ركردایه‌تیێ زێده‌تر گوت: مه ب رێیا هه‌لبژارتنان (1500) پۆست پركرینه سۆپاس بۆ خودێ پركرنا ڤان پۆستان یا بێ كێشه بوویه و ل ده‌فمه ژى مه‌زنترین پۆست داعیبوونه چونكى خودایێ مه‌زن ئه‌ڤ چه‌نده گوتیه، هه‌ردیسانێ ئه‌گه‌ر مه پۆست هه‌بن ئه‌م داعینه و وه‌زیرێت مه ژى په‌یامدارن و یه‌كگرتوو ب مه‌یا مه‌زنه و ئه‌م ژى ب یه‌كگرتوویێ دمه‌زنین و یه‌كگرتوو نزانیتن ئینشیقاقێ بكه‌تن ، هه‌روه‌ها سه‌رۆكێ ئه‌نجومه‌نێ سه‌ركردایه‌تیێ راگه‌هاند مه‌زنترین ئاسته‌نگ ل هه‌مبه‌رى كوردان نه ئێك رێزیا كوردانه دڤێتن ئاشتیێ بكه‌ین و ل بارا سیاسه‌تێ ژى گوت: سیاسه‌ت تێكه‌له‌كه و یه‌كگرتوو ژى سیاسه‌تێ ب خزمه‌ت د دانیت و هه‌روه‌ها ل بارا پرۆژه‌یێ هه‌ڤبه‌شێ ئیسلامى به‌رێز (م. سه‌عید عه‌لى عه‌بۆ ) راگه‌هاند : ئه‌م ل سه‌ر ڤى پرۆژه‌ى د جدینه و مه چه‌ندین پرۆژه هه‌نه ژ بۆ سه‌رخستنا وێ و ل دوماهیێ ژى هیڤى خاست كۆ ئه‌ف خولا نوى ب نیبونێ ده‌ست پێ بكه‌ین و یه‌كگرتوویێ كه‌سێن بهێز هه‌نه دڤێتن كێشه‌یێن سیاسى و جڤاكى و ئه‌خلاقى چاره بكه‌ین .