ئەنجومەنی سیاسی یەكگرتووی ئیسلامیی كوردستان پیرۆزبایی نامهیهك ئاراستهی مەكتەبی سیاسی یەكێتی نیشتمانیی كوردستان دهكات و رایدهگهیهنێت داواكارین ئەم یادەتان هاندەربێـت بۆ خەبات و خزمەتی زیاتر و وێستگەیەك بێـت بۆ ئەوەی هەموو لایەكمان پێكەوە بە گیانێكی نیشتیمان پەروەرانە و بەرپرسیارانەوە روبەروی ئەو تحدیات و دۆخە هەستیارە ببینەوە كە روی كردۆتە ناوچەكە.
ئاماژهی بهوهش كردوه:هەروەك هیوادارین كە ئاڵۆزیەكانی گۆرەپانی سیاسی كوردستان بە گفتۆگۆ لە چوارچێوەی پاراستنی بەرژەوەندیە بالاكانی گەلی كوردستان دا چارەسەربكرێت.
ئهمهش دهقی پیرۆزبایی نامهكه:
بەڕێز/ مەكتەبی سیاسی یەكێتی نیشتمانیی كوردستان
سڵاوێكی دۆستانە..
بە بۆنەی (44)هەمین ساڵیادی دامەزراندنی یەكێتی نیشتمانیی كوردستانەوە جوانترین پیرۆزبایی خۆمان ئاراستەی سەركردایەتی و جەماوەری بەڕێزی یەكێتیەكەتان دەكەین...داواكارین ئەم یادەتان هاندەربێـت بۆ خەبات و خزمەتی زیاتر و وێستگەیەك بێـت بۆ ئەوەی هەموو لایەكمان پێكەوە بە گیانێكی نیشتیمان پەروەرانە و بەرپرسیارانەوە روبەروی ئەو تحدیات و دۆخە هەستیارە ببینەوە كە روی كردۆتە ناوچەكە و گەلەكەمانی پێدا تێیدەپەرێت , هەروەك هیوادارین كە ئاڵۆزیەكانی گۆرەپانی سیاسی كوردستان بە گفتۆگۆ لە چوارچێوەی پاراستنی بەرژەوەندیە بالاكانی گەلی كوردستان دا چارەسەربكرێت.
لە كۆتاییدا.. وێڕای پیرۆزبایی یادەكەتان ,خوازیارین پەیوەندییەكانی نێوان یەكگرتووی ئیسلامیی كوردستان و یەكێتیی نیشتمانیی كوردستان باشتر و بەهێزتر بێت لەپێناو خزمەتكردنی گەلو نیشتمان.
هەر شادو سەركەوتوو بن
ئەنجومەنی سیاسی
یەكگرتووی ئیسلامیی كوردستان
1/6/2019