بەبۆنەی یادی 29 ساڵەی ئیعلانكردنی یەكگرتووی ئیسلامی كوردستانەوە، مەكتەبی سیاسییەكێتی نەتەوەیی دیموكراتی كوردستان YNDK پەیامێكی پیرۆزبایی ئاڕاستەی ئەمینداری گشتی یەكگرتووی ئیسلامی كوردستان دەكات كە ئەمەی خوارەوە دەقی پەیامەكەیە:
بۆ بەڕێز ئەنجومەنی جێبەجێكردنی یەكگرتووی ئیسلامی كوردستان
بابەت / پیرۆزبایی
سڵاوی سەرخۆبوونو ئازادی ...
بەبۆنەی(29)ساڵەی راگەیاندنی یەكگرتووی ئیسلامی كوردستان بەناوی خۆمانو تەواوی ئەندامو لایەنگرانی یەكێتیمانYNDK، جوانترین پیرۆزبایتان ئاڕاستە دەكەینو خوازیارین ساڵیادی راگەیاندنی ئەمساڵتان هاندەر بێت بۆ زیاتر پێشڤەچوونتان .
بەڕێزان: یەكگرتووی ئیسلامی كوردستان لەماوەی تەمەنی خەبات و تێكۆشانیدا، لە گۆڕەپانی سیاسی باشووری كوردستان جێ پەنجەی دیاربووه و وەك لایەنێكی ئیسلاحیخواز هەموو كات لەخزمەت گەل و نیشتمان و ئایینەكەیدا بووە، ئەوەی لەم قۆناغەی ئەمڕۆشمان گرنگە یەكریزی و تەبایی سەرجەم هێز و لایەنەكانی كوردستانە بۆ چارەسەركردنی كێشەكان و پێكەوەژیان و ئاشتی و تەبایی و پاراستنی دەستكەوتەكانمان.
لەم بۆنەیەتاندا جارێكی تر جەخت دەكەینەوە سەر زیاتر توندوتۆڵكردنی پەیوەندی برایانەی نێوانمان و سەرجەم هێز و لایەنەكانی كوردستان .
هەر سەركەوتوو بن .... لەگەڵ رێزماندا.
مەكتەبی سیاسی
یەكێتی نەتەوەیی دیموكراتی كوردستان YNDK
6-2-2023