بەبۆنەی یادی 29 ساڵەی دامەزراندنی یەكگرتووی ئیسلامی كوردستانەوە د. ڕێواز فائق سەرۆكی پەرلەمانی كوردستان پەیامێكی پیرۆزبایی ئاڕاستەی ئەمینداری گشتی یەكگرتووی ئیسلامی كوردستان دەكات كە ئەمەی خوارەوە دەقی پەیامەكەیە:
بەڕێز مامۆستا سەڵاحەدین محەمەد بەهائەدین، ئەمینداری گشتیی یەكگرتووی ئیسلامیی كوردستان..
بەبۆنەی (٢٩) بیست و نۆیەمین ساڵیادی دامەزراندنی یەكگرتووی ئیسلامیی كوردستان، جوانترین پیرۆزبایی ئاراستەی بەڕێزتان و ئەندامانی سەركردایەتی، سەرجەم ئەندامان و دۆستانی یەكگرتووی ئیسلامیی كوردستان دەكەین. هیوای سەركەوتن و بەردەوامیتان بۆ دەخوازین.
یەكگرتووی ئیسلامیی كوردستان لە ساڵانی ڕابردوودا وەك هێزێكی سیاسیی میانڕەو و پەرۆش بۆ چاكەی گشتی لە پرۆسەی سیاسیی كوردستاندا، ڕۆڵی بەرچاو و ئەرێنیی هەبووە.
هیوادارین ئەم یادەتان ببێتە هەوێنی قووڵبوونەوەی تەبایی و یەكڕیزیی زیاتری نێوان سەرجەم حزب و لایەنە سیاسییەكانی كوردستان و چاندنی گیانی برایەتی و پێكەوەیی نێوان سەرجەم نەتەوە و ئاینەكان لە هەرێمی كوردستاندا.
هەر شاد وسەرفراز و سەركەوتووبن.
د. ڕێواز فائق
سەرۆكی پەرلەمانی كوردستان