ئەنجومەنی سیاسی هاوپەیمانی نیشتیمانی پەیامێكی پیرۆزبایی ئاڕاستەی یەكگرتووی ئیسلامی كوردستان دەكات كە ئەمەی خوارەوە دەقی پەیامەكەیە:
بەناوی خودای بەخشندەو میهرەبان
بەبۆنەی بیست و هەشت هەمین ساڵڕۆژی دامەزراندنی یەكگرتووی ئیسلامییەوە، پیرۆزبایی خۆمان و هاودیدان بە ئێوە ڕادەگەیەنین.
ئامانجە بناغییەكانی یەكگرتووی ئیسلامی، هەر لەسەرەتای دامەزراندنییەوە، كاركردن بووە بە ئاڕاستەی بونیادنانی ئاشتی كۆمەڵایەتی و سەرپێی خستنی سیستەمێكی سیاسی شەفاف و خزمەتگوزارو یەكسان بۆ وڵاتمان.
وێڕای پیرۆزبایی گەرم، هیوادارین پێكەوە بتوانین هەماهەنگ بین بۆ سەرخستنی پرۆسەی سیاسیی لە هەرێمداو بەشێكی دانەبڕاویین لەو قۆناغە هەستیارەی ئێستای عێراق و كوردستان كە داخوازییە بۆ تێكۆشانی جیدی، لەپێناو مافە ڕەواكانی خەڵك و پاراستنی كیان و قەوارەی هەرێم و دەستەبەركردنی ئاشتی و سەقامگیری زیاتر بۆ خەڵك و وڵاتمان..
ئەنجومەنی سیاسیی
هاوپەیمانی نیشتیمانی