بەرێز مامۆستا سەلاحەدین محەمەد بەهائەدین ئەمینداری گشتی یەكگرتووی ئیسلامی كوردستان، پیرۆزبایی (بیست و حەوتەمین) ساڵیادی دامەزراندنی یەكگرتووی خوشكانی ئیسلامی كوردستان دەكات ڕایگەیاند: كۆشش و خەباتتان بەرز دەنرخێنین كە درێغیتان نەكردووە لە پێناو مافەرەواكانی ئافرەتان و پاراستنی شكۆی مرۆیی ژن..
ده‌قی پیرۆزبایه‌كه
بەناوی خوای بەخشندەی میهرەبان
بەرێزان مەكتەبی سكرتاریەتی یەكگرتووی خوشكانی ئیسلامی كوردستان
سڵاوی خواتان لەسەر بێت ...
بەبۆنەی هاتنەوەی (بیست و حەوتەمین) ساڵیادی دامەزراندنی رێكخراوە تێكۆشەرەكەتان.. جوانترین پیرۆزبایی پێشكەشی ئێوەی بەرێز و سەرجەم ئەندام و هەوادارانتان ئەكەم .
لەخودا داواكارم چالاكی و تێكۆشانتان بەردەوام بێ بۆ خزمەتی ئافرەتانی كوردستان و سەرجەم بزاڤی ژنانەی جیهان.
جێگەی ئاماژەیە كە كۆشش و خەباتتان دەنرخێنین كە درێغیتان نەكردووە لە پێناو مافەرەواكانی ئافرەتان و پاراستنی شكۆی مرۆیی ژن و رێگرتن لە هەر پێشێلكاری و ستەمێكی كۆمەڵایەتی كە لەژێر هەر پەردەیەك ئەنجام بدرێ ..
جارێكی تر یادەكەتان پیرۆزبێ و هەر سەركەوتووبن ..
براتان
سەلاحەدین محەمەد بەهائەدین
ئەمینداری گشتی یەكگرتووی ئیسلامیی كوردستان