دبه‌رده‌وامی یا كومبون و دیدارێن خو دا ل پارێزگه‌ها دهوكێ به‌رێز ماموستا سه‌لاحه‌دین محه‌مه‌د بهائه‌دین ئه‌میندارێ گشتی یێ یه‌كگرتوویی ئیسلامی كوردستان ب به‌رهه‌ڤبونا ماموستا سه‌عید عه‌لی عه‌بو سه‌روكێ ئه‌نجومه‌نێ سه‌ركردایه‌تیێ و خه‌لیل ئیبراهیم كارگێرێ ئه‌نجومه‌نێ جێبه‌جێ كرن و د.محه‌مه‌د مسته‌فا به‌رپرسێ مه‌لبه‌ندێ سێ ده‌مژمێر 8 ی شه‌ڤ روژا شه‌مبی 2018-2-10 دگه‌ل ژماره‌كا كادرێن پێشكه‌فتی یێن یه‌كگرتوو ل سنورێ مه‌لبه‌ندێ سێ كومبوو.
د دیدارێ دا ئه‌میندارێ گشتی یێ یه‌كگرتوو په‌یڤه‌ك پێش كێشی ئاماده‌بویان كر و ل ده‌ست پێكێ 24مین سالیادا راگه‌هاندنا یه‌كگرتوو ل كادر و رێكخستنێن یه‌كگرتوو پیروز كر و راگه‌هاند :كو خالا جیوازیا یه‌كگرتوو پێگه‌هاندنا كادیره‌كێ خزمه‌تكار و راستگو و دلسوز و وه‌فاداره ب هه‌ول و ره‌نجا و سه‌رجه‌م كادرێن یه‌كگرتوو ژ ده‌ستپێكا راگه‌هاندنا وێ تا ئه‌ڤرو ئامانجاوێ خزمه‌تكرنا خه‌لكێ كوردستانێ یه و ئه‌ڤه جهێ شانازیێ یه بو هه‌می یه‌كگرتوویان.
ئه‌میندارێ گشتی راگه‌هاند ژی: ئه‌م یێت شیاین ب رێبازه‌كا دیار كری و ره‌وشه‌نبیریه‌كا دیار كری ب په‌روه‌رده‌یه‌كا تایبه‌ت كو شوین تبلێن وان دخزمه‌تكرنا كومه‌لگه‌هێ كورده‌واری دا ل سه‌رجه‌م بواران دا یێ دیاره و راستگویی و ده‌ست پاقژی و دلسوزی بویه ناسناما وان. ل دوماهیا كومبونێ دا ئاماده‌بویان چه‌ندین پسیار و پشنیار ئاراسته‌یی به‌رێز ئه‌میندارێ گشتی كرن و ژ لایێ به‌ریزی ڤه به‌رسڤا وان هاته دان.