كورديو - دهوك
دبه‌رده‌وامی یا كومبون و دیدارێن خودا ل پارێزگه‌ها دهوكێ به‌رێز ماموستا سه‌لاحه‌دین محه‌مه‌د بهائه‌دین ئه‌میندارێ گشتی یێ یه‌كگرتوویی ئیسلامی كوردستان ب به‌رهه‌ڤبونا ماموستا سه‌عید عه‌لی عه‌بو سه‌روكێ ئه‌نجومه‌نێ سه‌ركردایه‌تیێ و خه‌لیل ئیبراهیم كارگێرێ ئه‌نجومه‌نێ جێبه‌جێ كرن و د.محه‌مه‌د مسته‌فا به‌رپرسێ مه‌لبه‌ندێ سێ, ده‌مژمێر 4 ی ئێڤاریا روژا شه‌مبی 2018-2-10 دگه‌ل ژماره‌كا گه‌نجێن یه‌كگرتوو ل سنورێ مه‌لبه‌ندێ سێ دیداره‌ك سازكر.
ددیدارێ دا ئه‌میندارێ گشتی یێ یه‌كگرتوو په‌یڤه‌ك پێش كێشی ئاماده‌بویان كر و ل ده‌ست پێكێ 24مین سالیادا راگه‌هاندنا یه‌كگرتوو ل گه‌نجان پیروز كر و راگه‌هاند :كو گه‌نج شه‌نگسته‌یێن سه‌ره‌كی یێن یه‌كگرتوو نه و یه‌كگرتوو ب گه‌نجان یا هاتیه ئاڤاكرن و به‌رده‌وام گه‌نجێن یه‌كگرتوو خه‌مخور و دلسوزێن گه‌ل و وه‌لاتێ و ئاینێ خوبوینه به‌رده‌وام د كاركرنێ دانه بو وێ چه‌ندێ مفایی ب گه‌هیننه كومه‌لگه‌هێ و مه ئومێداهه‌یی كو ل ئاینده‌یی دا گه‌نجێن نوكه دناڤ كاروانێ یه‌كگرتوو دێ بنه پاشه‌روژا وه‌لاتێ و خزمه‌ته‌كا باش پێش كێش كه‌ن.
دبه‌رده‌وامیا گوتنێن خودا به‌رێز ئه‌میندارێ گشتی ئاماژه ب وێ چه‌ندێ دا كو یه‌كگرتوو چ جاران ب سوتنا باره‌گایان نه شكه‌ستیه و ده‌ست نه داهێلاینه به‌روڤاژی ب هێزتر لێ هاتیه و به‌رده‌وام د گه‌شه‌كرنێ دایه و ئه‌ڤرو لسه‌راسنه‌ری كوردستانێ گه‌نجێن وه‌كی وه مه‌هه‌نه و پشتا مه‌یا پێ گه‌رمه و یه‌كگرتوو یا به‌رده‌وامه لسه‌ر كارێ خویێ میانره‌وی و چاكسازی و هزرێن ئیسلاح خوازی یه.