دھوک - ئیبراھیم دێرگژنیکی
جێگرێ پارێزگارێ دھوکێ، کو ئێک ژ سەرکردێن یەکگرتوو یە ل دەڤەرا بادینان، دیار دکەت یەکگرتوو ھێڤێنێ ئێکرێزی و لێکنێزیککرنا ئالیێن سیاسی یە ل کوردستانێ.
ئوسمان یونس جێگرێ پارێزگارێ دھوکێ کو ئێک ژ سەرکردێن دیارێن یەکگرتوو یە ل دەڤەرا بادینان د داخویانیەکا تایبەت دا بۆ کوردیو گوت "بھەلکەفتا بورینا ٢٣ سالیا ئاشکەراکرنا یەکگرتووی ئیسلامی کوردستان پیروزباھیێ ل ھەمی کادر و ماندونەناسێن یەکگرتوو دکەین، جھێ دەستخوشیێ یە یەکگرتوو ھەردەم ل بەرەیێ خەلکی بویە و کار بۆ لێکنێزیکبوونا ئالیێن سیاسی کریە و ب دلسوزی خزمەتا خەلکێ خۆ کریە، و ژ خودێ دخازین ھەر یا پاراستی بیت و ئەڤ سالە ژی ئەم بشێین رولەکێ بەرچاڤ و کاریگەر ببینین د نێزیککرنا ئالیێن سیاسی دا.
ئوسمان یونس گوت ژی "ھیڤی خوازین یەکگرتوو ببتە ھێڤێنێ راگەھاندنا سەربەخۆیا کوردستانێ و ھەروەسا خازیارین ل ھەرێما کوردستانێ ئەم پێکڤە بشێین کوردێن ھەر چوار پارچان لێک نێزیک بکەین بۆ دانانا ستراتیژیەکا رون و ئاشکەرا بۆ خزمەتکرنا نەتەوا کورد.".
ا.د