دهوک - ئیبراهیم دێرگژنیکی
ئەندامەکێ ئەنجومەنێ پارێزگەها دهوکێ ژ لیستا یەکگرتوو دیار دکەت یەکگرتوو شیایە تاکەکێ ب رەوشت و مەدەنیخواز ئاڤا بکەت و وەک حزبەکا مەدەنی نمونەکێ جوان بیت و رویەکێ جوان بدەتە ئیسلامێ.
سەباح بابیری سەروکێ فراکسیونا یەکگرتوو ل ئەنجومەنێ پارێزگەها دهوکێ سەرەرای پیروزباهیکرنا ئەندام ولایەنگرێن یەکگرتوو بهەلکەفتا سالیادا وێ، دیار کر "یەکگرتوو وەک حزبەکا مەدەنی کو ل دەمێ ئیعلانکرنا وێ بۆ خەلکەکی یا سەیر بۆ حزب یا بێ چەک بیت, بەلێ شیا وێ قەناعەتێ بۆ ئالیێن دی ژی چێکەت کو حزب دڤیا یا مەدەنی و بێ چەک بیت".
بابیری گوت ژی "یەکگرتوو شیا مروڤێ کوردستانی ئاڤا بکەت و ب هزارەها کەسێن خودان شیان و ب رەوشت و دلسوز پێشکێشی جڤاکی بکەت، و شیا ببیتە رێگر ل هزرێن توندرەو کو ئەڤ هزرە دبنە ئەگەرێ کرێتکرنا رویێ جوانێ ئیسلامێ و شیا گەنجان ل سەر هزرێن میانرەو ئاڤا بکەت و رویەکێ جوان و پری خزمەت بدەتە ئیسلامێ".
سەروکێ فراکسیونا یەکگرتوو ل جڤاتا پارێزگەها دهوکێ دبێژیت ژ ئالیێ سیاسی ڤە یەکگرتوو بویە فاکتەرێ لێکنێزیکبوون و ئاشتەواییا سیاسی و گەلەک جاران ژی قوربانی ب بەرژەوەندیێن خۆ داینە". سەبارەت پشکداریا یەکگرتوو چ د حکومەتێ یان حکومەتێن خوجهی و پەرلەمان و ئەنجومەنێن پارێزگەهان دا.
بابیری ئاماژە پێکر، سوپاس بۆ خودێ یەکگرتوو رولەکێ بەرچاڤ گێرایە ژبۆ خزمەتکرنا خەلکی و خەلکێ کوردستانێ ل سەر ڤێ چەندێ د شاهدن".