ئەندامەکێ ئەنجومەنێ جێبەجێکار یێ یەکگرتوو دیار دکەت یەکگرتوو سیاسەتەکا سەرکەفتی پەیرەوکریە و پارسەنگیا ھەرێما کوردستانێ بپارێزیت.
د داخویانیەکا تایبەت دا، ماموستا غازی سەعید ئەندامێ ئەنجومەنێ جیبەجێکار، سەروکێ ئەنجومەنێ بانگەوازی یێ یەکگرتوو گوت "بھەلکەفتا سالیادا ئاشکەراکرنا یەکگرتوو جوانترین پیروزباھیان ل تەڤایا ئەندام و لایەنگرێن یەکگرتوو دکەین و ئەڤ گەرموگوری وسەرەدانکرنا ئالیێن سیاسی و تەخێن جڤاکی بۆ مەلبەند و بارەگەھێن یەکگرتوو ل سەرانسەری باژێر و باژێرکێن کوردستانێ نیشانا سەرکەفتنا سیاسەتا یەکگرتوو یە، کو پالپشتیا یەکرێزیا نشتیمانی و ئەنجامدانا چاکسازیان و چارەسەرکرنا ھەمی قەیرانێن سیاسی و دارایی ل کوردستانێ و یەکگرتوو شیایەپارسەنگیا ھەرێما کوردستانێ بپارێزیت و دوپاتی ل وێ چەندێ کریە ھەمی ئالی ل دویڤ سەنگ و قەبارێ خۆ پشکداری د بنیاتنان و بەرەف پێشڤەبرنا ئەزموونا سیاسی و حوکمرانیێ ل کوردستانێ بکەن".
سەروکێ ئەنجومەنی بانگەوازی یا یەکگرتوو د وێ داخویانیا تایبەت بۆ کوردیو گوت ژی "یەکگرتوو سیاسەتەکا سەربەخۆ یا ھەی و نە پاشگویێ چ ھێزەکا ناڤخۆیی و دەرەکی یە، و ستراتیژیەکا سیاسی یا رون و ئاشکەرا یا ھەی کو ھەردەم دگەل ئێکرێزیا نشتیمانی و سەربەخویا کوردستانێ بویە".